سلامات

ما عم اعرف اتحكم بصفحة الboot

انا ركبت على الكومبيوتر ويندوز فيستا على قسم من الهارد ومركب قبلا Xp2على قسم تاني من الهارد

واللي صار انو دخلت على الxp2 وفرمتت القسم اللي عليه الويندوز فيستا ومشي الحال

بس هلا كل ما بشغل الكومبيوتر بتطلعلي صفحة الboot مشان اختار على اي ويندوز بدي اشتغل

والمطلوب اذا سمحتو طريقة اعملا مشان ادخل على الxp2 فورا لانو ما عاد ضل فيستا الا بصفحة

الboot يعني بس منظر

وشكرا سلفا

قريت مشكلتك علووش
ما شفت حدا عطانا الحل لحد هلأ
و انا بصراحة مالي كتير بشغلات الصيانة والبرامج

بس رح فسرلك مشكلتك بإلي بعرفو

القرص الصلب "الهارد" هو عبارة عن قرص
الحالة الاافتراضية تبعيتو نوعو رئيسي
و لما نحنا عم نعملو فورمات و منقسمو لمقاطع
كيف نحنا عم نقسم ؟ ولكم مقطع ؟
شو العدد يلي نحنا مسموح فيون بالتقسيم؟
عدد المقاطع الرئيسية من 3 ل4 مقاطع
منسميون متل ما بدنا c,d,e,f
إزا حبينا أكتر لازم يكون عندنا مقطع ممدد واحد مسموح فيه بكل القرص الصلب
و بعدين هالقرص الممدد منقسمو لعدة محركات منطقية و منسميون عكيفنا G,H إلخ
هلأ دور نظم التشغيل عإي مقاطع رح ينزلو؟
1- عندنا مقطع النظام System partition هوي بينزل عليه ملفات الاستنهاض لتشغيل نظام التشغيل
الشرط يكون هوي المقطع النشط active
و إجباري يكون في مقطع نشط واحد بكل القرص الصلب
ولو كان عدنا أكتر من نظام تشغيل رح تنزل ملفات الاستنهاض لكل النظم يلي نازلة ع هالقرص بهالمقطع النشط
لحتى لما بدو يقلع الكمبيوتر يقلع من هالمقطع
و بعدين عندنا مقطع الاستنهاض boot partition هيدا بكون عليه ملفات النظام اكس بي فيستا الخ
و هيدا هالمقطع ممكن يكون أي مقطع رئيسي مو نشط..أو حتى ممكن محرك منطقي عالمقطع الممدد

فلما عم يقلع النظام
رح يقلع من المقطع النشط من ملفات الاستنهاض لنظم التشغيل يلي نازلة عندنا
بس ليقلع و بتتطلعلنا صفحة ال boot و نقي النظام يلي بدنا اياه بجيب النظام ملفات النظام المختار من المقطع الي نازل عليه ملفاتو و بيتحمل عندنا عالذاكرة و بتطلعلك سطح المكتب تبعو
فانت هلا علووش شو عامل
داخل عمقطع الاكس بي و مفرمت الفيستا عالمقطع التاني
بس اجباري مقطع البووت والي هوي نازل ع غير مقطع عالمقطع النشط هيدا ما اتفرمت
و حسب يلي كل شي حكيتو ما بعتقد بيتفرمت لانو رح بروح معو ملفات الاستنهاض تبع الاكس بي كمان
و انت شو فضل عندكك المقطع البووت و مقطع الاكس بي و مقطع الفيستا اتفرمت بس
فهون ازا في شي برنامج يحللنا هالمشكلة انا ما بعرف
ازا حدا بيعرف يا ريت تفيدونا
بس حبيت فيد بشوية معلومات عن هالموضوع للإفادة مو أكتر
و نحنا بالانتظاااااااااااااااااااااااار

شكرا rory عالمعلومات

....بتعرفي اول ما شفت انو في حدا رادد عالموضوع قلت انحلت وكيفت على كل شكرا كتيير

ورحلة البحث عن الحل مازال جاريه..................................

ما المشكلة يا علوش بصراحة انا كنت ساويها من شي عشر طعش سنة بس النقطة الاهم نسيانها:dunno:

اول شغلة بتروح بكشف كل الملفات المخفية ..وبتشيل اشارة الصح عن كل شي قالك انو مخفي من الاوبشنز

بعد منا بتروح على ال C:/

بتلاقي طلعلك هنيك شي اسمو BOOT.INI

بتفتحو
بتلاقي في خيايرين عندك الويندوزات اللي بيطلعو ببداية التشغيل
هون النقطة الحساسة والي ما متزكرها..لانو بخاف تكون غلط وتخسر الويندوزين تبعك بالاقلاع

انو طريقة حزفها للاسف ...انك تحزف السطر كامل او شي معين منو

المهم عطيتك نص الطريق
وباقي نصو ...هادا اللي مزكرو:blushing:

تحياتي الك

برافو ميزو
وين مخبى هالمعلومات من زمان
و هي يا علوش اجا حدا و أخيراً حللك مشكلتك
فيالله طيـــــــــر و ع التطبيق فوراً:
بالزر اليميني ع جهاز الكمبيوتر
خصائص properties
خيارت متقدمة advanced
إعدادات settings
تبعيت البدء و الاستعادة startup and recovery
بعدين تحرير edit
هلأ رح تفتح معك محرر البووت
في سطر اسمو نظم التشغيل يلي عندك ع الجهاز
[operating systems]
تحتا رح بتشوف سطرين لأنواع نظم الشغيل يلي انت عندك
فانت هون بتحذف سطر الفيستا
بعدين حفظ save
وبالسلامة انشالله
ردلنا خبر شو بصير معك
قصدي ردلو خبر لأبو الميز:164:

إلهي يا رب يعطيكون العافية وشكرا كتيييييييييييييييير كتيييييييييييييييييييير عالاهتمام

لك عيني ربك يا معلم يا وحش يا مرعب يا رهييييييييييييييييييييب يا عمي ابو الميز يا مُعذب الفيستا والبووت

وشكرا شكرا شكرا شكرا لاحلى مشرفة منتدى كومبيوتر بالعالم rory يسلمو ايديكي كتيييير كتتييييير

انحلت المشكلة تماما ....الله وكيلكون معاناة .... صرت اكره حالي بس شغل الكومبيوتر وتطلعلي هالصفحة

على كل انحلت يسلموووو :happy: mizoo0&rory :fleur1:

:kisses:

:blushing::blushing::D:D
منور حبيب