مرحبا
من شوي كنت عم افتل بين هالمواقع
فلفتلي نظري اغاني سوريا الوطنية........
عن جد يمكن الواحد وئت كان ببلدو وئت يسمع هيك اغاني ما كتير يعطيها اهتمام
بس فعلا شعور غريب انت وبالغربة وانت عم تسمع
سوريااا حبيبتي ..
او
موطنييييييي موطني
فعلا بجد حسيت احساس غريب وقت سمعتها
او بلاد العرب اوطاني
هههه بتذكر كيف كانو يعلمونا ياها بالابتدائي هههه:D
وكيف الانسة اللي ما يجي حافظها توقفو عالحيط وترفعلو رجلو:D
بجد يا شباب ما في أحلى من بلدو الواحد
وين ما راح وين ما اجا
سوريا وبسسسسسسس
يالله رح اهديكون هالاغاني وتصبحو
على خير
**********************
موطني موطني
http://www.syriatoday.ca/index.files/6-Mawtini.mp3
**********************
سوريا يا حبيبيتيhttp://www.syriatoday.ca/index.files/7-souria_ya_habibaty.mp3
******************
بلاد العرب أوطاني
http://www.syriatoday.ca/index.files/10-bilad_al3orb.mp3
جبلاوي يا ناس
04-14-2004, 09:30 PM
موطني
موطني ... موطني ...
الجلال والجمال ...
والسناء والبهاء في رباك ...
في رباك ...
والحياة والنجاة والهناء والرجاء ...
في هواك ... في هواك ...
هل اراك ... هل اراك ...
سالما منعما وغانما مكرما ...
هل اراك في علاك ...
تبلغ السماك ... تبلغ السماك ...
موطني ... موطني
موطني ... موطني ...
الشباب لن يكل ... همه ان تستقل ...
او يبيد ... او يبيد ...
نستقي من الردى ولن نكون للعدى كالعبيد ... كالعبيد ...
لا نريد ... لا نريد ... ذلنا المؤبدا وعيشنا المنكد ...
لا نريد بل نعيد ... مجدنا التليد ... مجدنا التليد ...
موطني ... موطني
موطني ... موطني ... الحسام واليراع ...
لا الكلام والنزاع ... رمزنا ... رمزنا ...
مجدنا وعهدنا ... وواجب الى الوفا ...
يهزنا ... يهزنا ... عزنا ... عزنا ...
غاية تشرف وراية ترفرف ...
يا هناك في علاك ... قاهرا عداك ... قاهرا عداك ...
موطني ... موطني
.........................................
والله يا ابو الميز
ما حدا بحس بهالكلمات غيرنا المغتربين
الله يعينا
ولــــك يسلموووووو يا ميزو
والله رجعتنا لايام الخوالي.....وقت كنا صغار ونردد هيك اغاني
وهلق صارت احلى واحلى والواحد بالغربه لما بيسمع هيك اغاني بحس بالحنـــين الكبير لبلدو
لك ماااافي احلى من بلدي
سورياااا وبس
أهلين بالشباب والله يعطيكم العافية
اهلا بأحلا ميزو شو أخبارك ياشيخ اشتئنالك .
عم تعذب حالك وتفتل بين هالمواقع وكل الأغاني اللي حكيت عنها
موجودة هون .
بالمناسبة وعم بحكي جد وإجت لحالها ..
هاتوا رابط الأغاني الوطنية السورية بها الموقع وللفائز أحلا جائزة
___________________
ومنك نستفيد معلمنا........
عراسي والله شو أخبارك....اشتئناللك يا خيو
يالله نا فلست ما عرفت
خبرونا .....;)
هلأ هي موجودة .. بس فين ؟؟
منقرب الإجابة يمكن بمنتدى الكوكتيل أو الأغاني
وعم بحكي جد .
BaSioNy
05-15-2004, 11:05 PM
شي حلو انتو نحس ببلدنا
و نحنَ لوطنا
بس الأحلى انو نترجم هل احساس لعمل و فعل
و نشوف اثرو لهل إحساس على أرض الواقع
كلنا منحب بلدنا
بس يا هل ترى شو عم نقدملها ؟؟
.
.
صحيح منحبها؟؟
أهليين بسيوني
عاش مين شافك
كلامك مزبوط
بس بدي قلك شغلة
ما في حدا بحب وطنو الا بريد يقدملها كل شي بيقدر عليه
صح
بس المشكلة مو هون
المشكلة انو انت وانا منحاول نقدم اللي فينا عليه بس احيانا بتنصدم بشغلات لا على البال ولا على الخاطر
وانت بتعرف شو يعني
أو في معيقات اذا بدك فينك تئول.....حتى جواة بلدك بتمنع انو تقدم كل شي بدك.......صح
معناتو كلنا منحب بلدنا وكلنا بدنا الخير ومنحب نقدملها...
بسسسسس
لو ما كلمة بس
MATRIX
05-17-2004, 07:50 PM
و احلى ميزو
حبيب القلب انت يا احلى حب
و يسلموووو كتيررررررررررررررررر
و الله يخليلنا ياك البي انت
واحلى اغاني و اناشيد ســـــــوريـــــــــــة اللي منعتز بها
و بس
اخووك سعد
BaSioNy
05-21-2004, 12:59 AM
حبيبي ميزو
كلامك مظبوط
و أنا ما قصدي شكك بمحبة حدا هون لبلدو
ماعاذا الله .... و أنت بتعرف
بس كل اللي بدي ياه هو التذكرى
فذكر ان الذكرى تنفع المؤمنين
صحيح انو في معوقات و من وين بتطلعلك ما بتعرف
أو حتى فينك تقول كأنك عم تتحارب
بس هون التحدي
ما بصير نقول لو كان ...لأنو لو تفتح عمل الشيطان
نحنا منعمل العلينا . . . و الباقي على ربنا ;)
ايدك على ايدي
و رجلك مع رجلي منلبط هل معوقات;)
أكترنا بحب يعمل شي بس ما عم يلا قي الفرصة
و إذا لقيها ما بلاقي الدعم لا معنويا ولا ماديا اكيد
انا بحب اسمع انو ( جبلة .كوم) عمل شي بهل مدينة المعترة
انا ما قصدي الموقع قصدي شباب هل موقع
عدد أعضاء الموقع تقريبا 1000 .....الله يزيد و يبارك
1000 مانو رقم قليل بالنسبة لمدينة متل جبلة
1000 واحد بهدوا و بعمروا بشيلوا و بحطوا
بخربوا و بظبطوا بيوسخوا و بنظفوا
1000 إذا صفيتون عل كرنيش بعبوه
بتمنا شوف هل 1000 عملوا شي نشاط
ان كان ثقافي أو خدمي
و قول هدون نحن شباب جبلة ... جبلة.كوم
للحكي تتمة... بس حبيت وصل فكرة
هدا مانو عتاب على شباب المنتدى بس دعوى للجميع
الصيف عل أبواب ... و لنشوف شبابنا كيف همتهون
و تحياتي لولاد بلدي و البحبونا
أخوكم
Bint Jableh
05-22-2004, 12:02 AM
الكاتب BaSioNy شي حلو انتو نحس ببلدنا
و نحنَ لوطنا
بس الأحلى انو نترجم هل احساس لعمل و فعل
و نشوف اثرو لهل إحساس على أرض الواقع
كلنا منحب بلدنا
بس يا هل ترى شو عم نقدملها ؟؟
.
.
صحيح منحبها؟؟
القسامي
07-22-2004, 07:36 PM
ياسلاااااااااااااااااام .... شي حلو نشوف التفاهم بين الاتنين
وشي حلو انو نبقى نفهم بعضنا ونعذر بعضنا دايما
وشي حلو نعتز بقيمنا وببلدنا
وشي حلو كتير كتير انو التقي مع أهل بلدي ونتحادث ونتشاور
والله هالنت خلانا أقل مايمكن نتحاور بين بعضنا
ومشكووووووووووووووووور ميزو
وهي أحل رابط للأغاني الوطنية
واللي بتخص شيخ جبلة المجاهد القسام رحمة الله عليه
وبتمنى انو تعجبكم اسمعوها وشوفو ماأحلا معانيها
http://www.alhs.8m.com/hisblack.htm