مرحبا يا جماعة ....

من نافلة القول ...

أن رجال المخابرات والمخبرين في العالم العربي ...

هم أذكى وألطف أنواع المخبرين في العالم .......:D

فمن تاسع المستحيلات ...

أن تجد أحدا منهم يضع فردا على خاصرته ظاهرا :o

... أعوذ بالله ....

ومن عاشر المستحيلات ...

أن يتفوه أحد منهم ومهما حصل قائلا :

اعرف مع مين عم تحكي ولك .. :::02:::

حتى لو دعوست على قدمه وتورمت أصابعه وازرقت كعلم الأمم المتحدة ..

ولن تجد واحدا منهم يفركش دورا ...:::01:::

أمام مؤسسة ..:::01:::

أو باب فرن ..:::01:::

أو حتى عرباية عرانيس درة ...

بتاتا ....:D

وكل بتات تنطح بتات ...

ولأنهم ...

مثقفون ...

وطلاب علم ....

وأصحاب أقلام سيّالة ....

فلن تجد أحدا منهم يقرأ الجرائد بالمقلوب ...

وهنا بيت القصيد ...

فالمخبرون ...

وبعد مرور صروف الدهر على ممارسة المهنة ...

وسلخ كذا ألف تقرير في الشهر ..

أصبحو مدارس أدبية وفنية متنوعة في كتاباتهم ...

فتجد من هو انطباعي بأسلوبه ...

ومن هو رومانسي ...

وهناك ... الواقعي .. والسريالي .. والاشكالي .. والحداثوي ...

.
.
.

وفيما يلي بعض المقتطفات من بساتين تقاريرهم الزاهية :
--------------------------------------------------------------



.
.

تقرير رقم 1 .. (وكاتب التقرير مخبر يتبع الاسلوب الرومانسي في كتاباته) :
===========================================
.
.

" سيدي يا ينبوع المياه المتدفقة من بين الصخور الملساء .. ويا شذى الورود الناعسة .. اليوم وفي الساعة السابعة الا 52 دقيقة وعشر ثوان .. عندما كانت الشمس ترسل خيوطها الذهبية لتعانق مكاري وسرافيس البلد ... وكانت الفراشات يا سيدي تطير من أوكارها .. والحمير تغرد على الأشجار الوارفة .. والعصافير تنهق على سطوح المنازل المخالفة .. كان هناك مواطن يلبس بيجامة رمادية كارويات .. يصرخ بزوجته قائلا : تضرب هلعيشة باطلة ومحولة هديك الجوازة يلعن (تووووت) على أبو الراتب .. وهذا يا سيدي ان دل على شيء فانه يدل على فجعنة هذا المواطن .. الذي لا يحتمل نق زوجته والضغوطات المعيشية , فكيف يتحمل ضغوطات العولمة والأعداء الخارجيين .. لذا وجب أخذ المقتضى ..
............ محسوبكم هفتان كركوبة الملقب بألفاروميو الشرق .. "

.
.

تقرير رقم 2 .. (وكاتب التقرير يتبع الأسلوب السريالي في كتاباته) :
=======================================


" سيدي يا سديم الحلم .. وكالسيوم الأزل .. الأسنان التي تسفر عنها ابتسامتك هي ذاتها أسنان جمجمتك ..
اليوم عندما كانت الشمس تستحم كبرتقالة معدنية على عقارب الساعة السابعة الا 52 دقيقة وعشر ثوان عندما كانت فراشات الرماد تداعب ألسنة الحمير المتفشية .. كان هناك مواطن يلبس بيجامة رمادية كاروهات وهو ذو هيكل عظمي وطقم أسنان كامل العدد .. يصرخ قائلا تضرب هلعيشة باطلة ومحولة هديك الجوازة .. وهذا ان دل على شيء فانما يدل على عدم قدرته المنجذبة في حداثوية القعر المنفلش ..لذا وجب أخذ المقتضى ..
............محسوبكم عواد الطشت الملقب بأبو سلفادور .. "




تقرير رقم 3 .. (وكاتب التقرير يتبع الأسلوب الديالكتيكي في كتاباته) :
========================================

"سيدي الرفيق ..
اليوم عندما كانت الشمس تشرق على العمال وطبقة البروليتاريا والفلاحين والبرجوازيين وصغار البورجوازيين المتعفنة وصغار الكسبة .. عند الساعة السابعة الا 52 دقيقة وعشر ثوان .. كان هناك مواطن انتهازي يصرخ قائلا .. تضرب هلعيشة .. كانت باطلة ومحولة هديك الجوازة ..لذا وجب أخذ المقتضى .. ويا مخبري العالم اتحدو ..
...........محسوبكم تحسين شلمونة .. الملقب بفلاديمير عبد الناصر .. "

.
.

تقرير رقم 4 .. وكاتب التقرير يتبع اسلوب .................!! (وهو أحد أساليب الحداثة ) :
=================================================

" سيدي اليوم عندما كانت الشمس تشرق وفي ظل الأوضاع الاقليمية والدولية الخطيرة والمنعطفات والمطبات والأكواع التي تمر بها أمتنا .. والمؤامرات والدسائس التي تحاك ضدها من قبل الدوائر العميلة والقوى الرجعية التابعة للامبريالية والانهزامية والطفيلية .. وفي الساعة السابعة الا 52 دقيقة وعشر ثوان .. كان هناك مواطن يصرخ بزوجته قائلا : تضرب هلعيشة .. كانت باطلة ومحولة هديك الجوازة .. ومن شأن ذلك أن يؤثر على الخطط والمشاريع الانمائية وتطوير البلد .. لذا وجب أخذ المقتضى ..
والمجد والخلود والغار والفخار والسيراميك لتقريرنا ..
............. محسوبكم .... أبو الجماجم آل احم .."

ما حدا سترجا يرد ولو مجاملة

شو الكل خاف ولا ما عجبتكم:::04::: :::04::: :(

هاهاهاها حريييف لك شو هاد..........؟

لك بتجنن بس اديش هيي حلوه؟؟ اسى انت احلى :D :p

الى الامام سر...... رح اقلب عظهري من الضحك:D :p

والله ضحكتني

وعن جد قويه


يعطيك العافية

up :D

هيك اجا ع بالي ارفعو
مع انو الموضوع من الف وتسعماية وخشبة

من قبل ما ينهكر المنتدى

طلع بأيدي ورفعتلكون ياه :XYXWAVE:

ههههههههه يحرء حريشك


سماع لعما شو رجعتني لورا هلأ بهالموضوع


الي رجعه عليه.......


التفتيش بيجي بعد ال12 مناوبه ليليه


بوكرا صبحان لنا عوده

بعد كل ها التقارير بس ما عرفنا شو العقوبة اللي رح تجيه لها المسكين


أكيد أمو مو رضيانة عنو أبدا أبدا


موضوعك أضحكني جدا جدا

تحياتي إليك

[font=Arial Black][size=4][color=magenta]بعد كل ها التقارير بس ما عرفنا شو العقوبة اللي رح تجيه لها المسكين



فداكي بيت خالتنا جاهز بيستئبل بكل الضيوف

فداكي بيت خالتنا جاهز بيستئبل بكل الضيوف

إذا بس رح تكون العقوبة زيارة الكركون فبرأيي الأمر كتير بسيط

ومحلول

انا ما فتت لهون.!!!!!!!!!!!!!!!!!

يا جماعة الواحد يحكي ذمته و ضميره , الدنيا فيها موت و حياة


و هالشباب في الهن على كتافنا ملائكة , يعني حرام نحكي إلّا الصح


أنا ما شفت لا أرقرق و لا أحنحن و لا " أرمنس " منهن أبداً


يعني الواحد منهن على زود رومانسيته لما بيكون راكب سيارة الفرع


ما بيحب و لا بيطيق انو يشوف إشارة المرور حمرا , قال شو ؟


اللون الأحمر بينكرزه و بيخربطله رومانسيته , لذلك هو بيتخيل


الإشارة دائما خضرا و بيسوق الهبل عالشيطنة و بيقطعها !


و لا أقلكن , أنا لا شفت شي و لا سمعت شي , الجماعة كتير حبابين


و كتير كتير أمامير , و لا انتو رأيكن غير هيك ؟


قولوا بصراحة لا تستحوا !!!!!!!!!!!!

قولوا بصراحة لا تستحوا

انا طبعي خجول بدكن تعذروني......!!

يستر عليكن...بدي ارجع فوت ع سوريا انا...!

ولي

وليييي
شو بيت خالتنا ما بيت خالتنا

وشو فوتة ع سوريا ما فوتة ع سوريا

بدكون تبلوني انتو

انا مالي علائة..حرام يا عمي الواحد ايه والله يا العيون البابلية فوق راسو قصدي فوق اصدي فوق كتافو ملائكة شو هالحكي :XYXWAVE: ايه علي الحلال ما في اكدع منون

ايه ورجال يئبرو عضامي شو رجال :biggrin:


وانا كمان ما دخليني
باي :XYXWAVE:

up..........

ههههههههههههههههههههههههههههههههههههههههههههه ههه
يا حرااااااااااااااام:icon_smile:
شو قصتكن كلكن طرتو وسنفرتو حتى ابو الميز يللي هو كاتب الموضوع
ههههههههههههههههههههههه
ولييي لاهرب انا التانيه بما ان الساحه فاضيه:5::77::icon_razz: