حمادة: شفت شو صار بالفلسطينية ... نحن لازم نعمل شي يا دودي
• دودي: عندك حق بتعرف.. شو رأيك بوكر نطلع عاى الجامعة قال المظاهرات قايمة قاعدة
• حمادة: ايو الله سمعت الطلاب عم بيطلعو فوق بعضهم بالمظاهرات.يا زلمة خلينا نطّلع هالكبت اللي فينا.حاجتنا يا مان
• دودي:اوووك..احكي مع سوزي و رولا و كوكي و شلتهم..و انا رح كلم لارا و البقية ولك يا مان...أخيرا حاسس إن فيه قضية مهمة فى حياتى.. رح نورجيهم شو رح نقدر نعمل.

موسيقى تصويرية:أغنية القدس دى أرضن

• حمادة: الوو..هاي سوزي..كيفك؟..هاو آر يو دوينج توداى؟
• سوزي(تبكى): نوت باد..شايف شو عم بيصير للفلستينيين ..حراام..مو معقول ليش العالم ساكت هيك
• شو عندك حمادة: انا منشان هيك عم بحكي معك..بوكرة طالعين بمظاهرة الجامعة ..
• سوزي (تتنهق): اكيد تبعا ورح كلم البقية وين بدكون تتقابلو
• حمادة: بكرة علىالتسعة ..عند الاولديز ..لا تتأخريها اوك
• سوزي: تسعة..روحوا انتوا و انا رح اخد تاكسى وبلحقكم
• حمادة: تاكسى..!!!؟؟ شو انتي فيكي شي..انتى مصاحبة ولاد ولا شووو..لا تروحي بتاكسى لوحدك رح نمر عليكي بالسيارةة و نستناكى..
سوزي:رجااااااال
• دودي: قلها تيجى بالديرتى جينز منشان البهدلة..
حمادة: لأ نبيه ياه
• شيرى: أوكيه سى يو تومورو..بون نوِى. الله يرحم ستك ستوتة


حوار حول المقاطعة:

• حمادة: بدكون تروحو بوكرة على المظاهرات؟
دودي: لأ فى عرضك ..انا كتفى واجعنى خير الله من العصاية اللى اخدتها امبارح... و بعدين الشيخ محمد حكاية قال المظاهرات حرام لأني جاية من التظاهر يعنى الايحاء بغير ما فيك يعنى كذب يعنى حرام
سوزي: لأ والله ما لازم ناخد ذنب انا كمان سمعت الشيخ المفتى أبو فَتوَى السكرة عم بيقول ما هو حرام فهو حرام و ما هو حلال فهو حلال وخد فتواك على هواك..! (وأتمنى لو أنساك))
• حمادة: يعنى شو بدنا نسكت...!!!نحن لازم ناخد موقف..الناس بتموت هنيك و نحن ساكتين هون..!!.. بتعرفو ايجتني فكرة .شو رأيكم نقاطع؟
• لارا: صح إحنا لازم نقاطع.... كل المنتجات السورية من شان الحكومة تسمعنا..!!!
دودي:قصده المنتجات الامريكية لارا
• لارا: ماشى أى شي موفارقة
• حمادة: ياعنى لا بيتزا هت لا ماكدونالدز لا شي لاهيد اند شولدرز.......
دودي: طيب و المالبورو؟
• حمادة: روح على الحمرا الطويلة ولك مان شبها
• دودي: طيب وشو رح ناكل؟
سوزي: اوكي نو بيتزا نو همبرغر نو شيش اكيد شاورما او فلافل.( رحمكم الله يا فتيات فلسطين)
• دودي: المهم بكرة بدهم يصور عنا لازم نجيب لافتات وصور الانتفاضة ونجيب علم اسرائيل نحرقو كمان
• لارا: ياي انا كتير متشوقة لبوكرة.. بدنا نسبت للعالم ان نحنا مع الفلستينيين
• كارلا: هاييييييي اووول..نحن عاملين عندنا حفلة لصالح ضحايا فلسطين..رح بتكون بالشيراتون رقص وغناوتهييص وكل واحد...بس ب1000ليرة..
• حمادة: بس كتييير 1000
• كارلا: يا أخى عم قللك من شان التبرعات..انت ما عندك دم؟!! انتوشوووو..!!
دودي: بتقولك شيراتون رقص و هتهيص كله فى سبيل فلسطين...{إنا لله و إ نا إليه راجعون)
• دودي: راح عن بالي صحيح...الخميس اللى جاى بالليل التليفزيون بدو يصورونا و نحنا عم بنعبى التبرعات فى بالصناديق و المخرج قال لى بدوز ناس كتير لأنو بدهم يبعتو على قناة الجزيرة قولوا لكل اللى تعرفوهم بدنا عدد كبير
• حمادة: و يا ترى رح توصل التبرعات؟
• دودي: ونحن شو النا علاقة نحن منعمل اللي علينا
• سوزي: ايواه انا سمعت الشيخ محمد حكايةعم بيقول التبرعات أهم من الجهاد و الجهاد ما وقتو هلأ
• دودي: حدا بيعرف فيكون من وين من جيب الكوفية الفلسطينية
• من اول لانتفاضة حاسبة حساب لارا: هاهاي..أنا عندى خمسة جبتهم من الحميدية

بعد 3 أشهر من أحداث الاجتياح الاسرائيلى ( انسى يا عمرو)

• حمادة: شباب شو رأيكم نروح على السينما اليوم
• لارا: هادا فيلم كتييير حلو تبع ميل جيبسون بيجججن يقبرني
• سوزي: هادا عن الفيتنام تصويرو كتير جامد
• حمادة: بسسسسسسس يا شباب!!!! هادا امريكي نحن مو مقاطعين؟
• دودي:هه ولك حبيبي بعدك فاكر هه قوم فيق قوووووم
لارا: وبعدين هادا فيلم.ومصرياتو رايحه لسوريا..وبعدين السينما الامريكية أقوى و أحلى سينما
أصلا لهيك مو حرام.

بعد مدة

حمادة: ولك دودي ما عرفنا شو اخر اخبار التيرعات وصلت او لسه؟
• دودي: اييييه شو حنووون. يا بابا توصل و الا عمرها لا توصل.. و بعدين الفلسطينيين اللى انت خايف عليهم كتيرمابيستاهلو.. ياما حاربنا كرمالهم وما بيتذكرو غير حالهم .
{ قال رسول الله صلى الله عليه و سلم: من مات ولم يحدث نفسه بالغزو فقد مات على شعبة من النفاق} ...و المنافقين فى الدرك الاسفل من النار) )
سوزي: حمادة من فضلك يا ريت تبعتلى الإي ميلزاللى فيها الصور الفزيعة تعيت الفلستينيين..منازر فزيعة..و بعدين مامى قالت لى إن الفرجة على الصور دى حرام عشان بتئزى النفس
• لارا: المهم وين بدكم تتغدو..آم سووو هانجري
• سوزي: بيتزا ...او عند كنتاكي
• حمادة: كمان شي امريكي ؟
• دودي: اوففف.. ياعنى نحنا لماعم بنقاطع أمريكا عم بيصرلها شي اعقل يا مااان
• ٍسوزي: و بعدين فيه ناس سوريين بيشتغلوا بهي المحلات يعنىونحن لازم نشترى منهم منشان نساعدهم
• حمادة: مافي غير الجهاد من شان نحرر فلسطين
دودي: ما بينفع نجاهد قبل ما نغير نفسنا و بعدين ما هادا الجيل اللي بدو يحرر فلسطين يا حب)
سوزي: ايواه الشيخ محمد حكاية قال هيك
• دودي: ها.. جاى معنا و لأ؟
حمادة (مع نفسه): ياعمي رضينا ربنا وعملنلنا كام مظاهرة كوول على كام إى ميل فى الجون...وشوية بيانات مقاطعة...على كام صورة تقطع القلب...إيه ...يعني انا لازم أقطع فى قلبي دائما!!!....ساعة لقلبك بقى ولك أبو حميد
حمادة: ليتز جوو
• دودي: هيك ها خليك مان
• لارا: هاهاى ..طيب و المالبورو؟
دودي:ولك بيكفي علاك بقا ياااااااا


ملاحظة: غير منقووول




;) :::01:::

في الصميم

والاحلى انه غير منقول

يعني فينا نقول انه من ابداعاتك



تحياتي

والله معلم وحريييف........;)

بس حلوه وهدا لعميصير thanks mizo;)

يعني والله عاش مين شافك ولك أم محمود

يعني طيب قول في عندك اخوة بالمنتدى:(
:)
على العموم
هادا يا ستي الموضوع حطتينو باحد المنتديات
قبل ما يكون عنا (بيتنا جبلة دوت كوم)
ايام المقاطعة والاحداث بفلسطين
وحبيت شارككم في هون لنعرف شلون بيفكر كتير من اولاد البلد

والموضوع فينك تقولي من ابداعاتي

تحياتي الك

لك يسلم هالتم...... بس ماتكون قاصد..... حدا....

مثل......توووووووووووووووووووووووووووت

برينس... اللورد؟

ما قصرت ميزو بكل حرف كتبتو
بالفعل حوار واقعي بين شبابنا هذه الأيام

ما نك قليل و الله يا ميزو
بتعرف أنا كتير بحب هالنوع من الكتابة مع شوية سخرية
بس ما بعرف اكتبا

عنجد ابداع مميز ميزو
يلا ناطرين شي جديد منك
و لا تقلنا محاولات فاشلة و ما فاشلة

شكرا الك روري على اطرائك

الموضوع الو من 2003 يعني لمانكنت ب ريعان الشباب :d

كان موضوع بوقتها ايام الانتفاضة..الي هزت كل شباب العرب...
وكانت كل الناس متأثرة باللي عم بيصير وبدا تعمل شي

وفي شباب تانيين يعطيكي العافية...من شاكلت حمادة ولارا

انشاللة ازا بقي شويت مخ

بحاوول اكتب شي انشالله