layali
06-30-2003, 02:46 PM
بيحكو كثير عن الأبراج والتنجيم بس يا ترى كم واحد بيآمن بها الشي هيدا؟
بس يلي صار اليوم فاجأني وبدي أسأل كم واحد منكن صار معو هيد ا الشي.
أنا شاركت بالمنتدى عن جدبد ومالي زمان كيف لحقوا يعرفوا عني كل هالشي.
وصلتني رسالة فيها وصف لشخصيتي 90 بالمية كلو كلام حلو وصحيح وما زعلت بالعكس بس بدي أعرف كيف عفو هالشي.
بدون يخلوني آمن بأنه عميقرو أفكاري عن جد.
breans_1
06-30-2003, 05:05 PM
لا لا بس كل واحد بمواليد معينة وطريقة تفكيري......
ودايما بيقولو كذبو المنجمون ولو صدقو.......
وفيه كتب خاصة بيقولولك ........ كل شئ بس اعطيهم شو برجك.... وخلص...؟
تحياتي..... برينس..اللورد""
Bint Jableh
07-01-2003, 05:04 AM
هلا ياليالي
اولا احب ان اقول كيف عرفوا تاريخ ميلادك وذلك عن طريق الملف الخاص بك
انت عندما سجلت كتبت جميع البيانات عن نفسك
ثانيا بما انك طرحت موضوع مهم عن ايماننا بالابراج والحظ
لذلك سأقوم بنقل مشاركتك هذه الى قسم حوارات ساخنة
لنناقش الموضوع هناك جميعا مع كل الاعضاء
تحياتي لك
layali
07-02-2003, 01:40 AM
بس أنا ما كتبت مواليدي بتعرفي ليش
وياريت يلي عندو فكرة يقولها
وفيه سؤال عندي ليش بيرحبو بالبنت كثير؟ وكأنه عجيبة
هلأ بشكل سريع حبيت علّق على الموضوع
هلا انا بأعتقادي ما بأمن بشي اسمو أبراج أو هالعلم بالذات علم النجوم والفلك
بس في شي أسمو معرفة الشخص عن طريقة كلامو
ميولوا...... وطريقتو وأسلوبوا
يعني بأعتقد ما هي شغلى صعبة على اللي دارس هالشي
وخاصة هي شئ معروف بعلم النفس....والمنطق
يعني صار عندك حاليا بحدود 15 مشاركة وممكن أي شخص متخصص بهامجال يعرف شخصية هالبني أدم
تحياتي اللك ولا تزعلي ولا شي.....
*******
اما بالشي التاني بخصوص الترحيب بالبنات أكتر من الشباب
فبعتقد انو هي مشكلة كتير كبيرة بشبابنا العربي....بس ما بعتقد انو ممكن لاحظتي هون.......
يعني بعيد لعنّك فتلت منتديات ليوم المنتديات ولاحظت هالمشكلة موجودة الحمداللله بكللللل منتدياتنا العربية بدوووووون استثناء
يعني حتة اني بصراحة انا ما بعتبرها مشكلة كتير كتير كبيرة
مشكلة الترحيب...
بس يعني واللله اذا كنت بنت وكل شباب وصبايا المنتدى رحبّو فيني
اكيد ما رح أزعل
يعني ما فيني قلّك غير أختي الكريمة ليالي نحن باذن الله نحن هون كلّنا أخوة
وأيد وحدة
ومنوقف كلنا صف واحد .... بسبيل انو نعمّر هالبيت الزغير
طوبة طوبة
تحياتي اللك ليالي ولا تواخذينا اذا طوّلنا
اخوكي mIZO
layali
07-05-2003, 05:05 AM
أنا مازعلت يا أخي ميزو أنا تفاجئت
وبالنسبة للترحيب ما ني زعلانة فرحانة لأنه كل الترحيب لطيف وبيدل علة أنو نحنا أخوة مثل ماقلت.
وشكرا للحسام يلي بعت لي رسالة التوضيح وأنا عاتبة شوي عليه
breans_1
07-06-2003, 05:45 PM
...وانا بدي ضيف مثل ما حكى ميزو.....
نحنا منتمنى انو هذا الشئ يصبح عنا عادي ... ونحنا فينا نعمر منتدانا بالعقل والحكمة والرأي الصحيح ونبعد عنا الأفكار الزائفة ونفكر صحيح....."""
بعتقد حكيت بالفلسفة شوي بس ضروري الواحد يفكر بمنطلق الحياة...ويحط مبدأ عنده وبعد ذلك هو100% صح....
تحاتي للجميع ....ويا أخت ليالي لا تفكري كتير واعتبري حالك انت بمنتداك .... وابنيه بنفسك ونحنا معك واذا احتجت اي مساعدة ... فما عليك الا الإتصال بميزو......
برينس اللورد"":::01::: :::01::: :::01:::
Bint Jableh
07-12-2003, 05:36 AM
وينك يا ليالي تركتيني لحالي في المنتدى
ان شاء الله خير
ياجماعه كأنو شي ماطبيعي،بيئة-ظروف-واقع -تحصيل حاصل.
النبض يمكن لأنو بيتغير .شي جديد بدو ياخد مجراه .
مع الأيام بيصير طبيعي .
layali
07-17-2003, 03:55 AM
أنا موجودة يا جبلة ولكن زعلانة لأنون حذفوا لي مشاركة
ما عد عندي إقبال على المنتدى مثل الأول بس يمكن استمر منشانك ومنشان سلمة
Bint Jableh
07-17-2003, 05:50 AM
اي مشاركة يا ليالي
بعدين ما صدقت انك في المنتدى بدك تتركيه
انا كمشرفة اطالبك بالبقاء واذا لم تنفذي سأفرض عليك عقوبة
شو رايك( ترى امزح معاك)
لكن نريدك معنا
تحياتي لك
سأفرض
the loover
07-18-2003, 05:46 AM
الله يسامحكون كل مره بتنسوني
ولا ماني قد المقام........؟؟
قلولي......ولا ما عم تعجبكون مشاركاتي
هأهأهأ
tamsha
07-20-2003, 06:23 AM
والله يا أخت Layali بالنسبة لموضوع الأبراج والتنجيم وبرأيي الشخصي مش أكتر من أمور نفسية وفلسفية وصار في ناس يمتهنوا هالشغلة ولهم سوق كبير في ذلك وأنا اوافق صديقي Mizo وأختنا الحبيبة Bint Jableh بكلامهم وكثيرا" ما يكون كلام المنجمين عام يعني بسبب تشابه ظروف اكتر الناس بسبب البيئة المحيطة...يعني انت لو كنت عايشة بأمريكا ما كانوا خبروكي نفس الكلام..اما موضوع الترحيب الزايد فيكي...فهذه نعمة من رب العالمين اولا" ثانيا" أنا كمان جديد على المنتدى ومن شدة حبي لصدق الموجودين فيه وتعاطفهم وتكاتفهم اخلاصهم للمنتدى وتواصلهم المستمر وترحيبهم الودود ما قدرت أترك المنتدى اكتر من يومين وتلقيت نفس التهديد بالعقوبات من الأخت Bint Jableh وباقي الأصدقاء ...بعدين ما بعتقد انهم ممكن يحذفوا أي مشاركة تتوافق مع مبادئ ومنطلقات واسس المنتدى...بالعكس انا لاحظت أنهم يهتمون بكل واحد على حدى وما بتركوا حدا يزعل من لطفهم وحسن تعاملهم ومشاركتهم وتفاعلهم مع كل صغيرة وكبيرة....وما بعتقد انك زرتي منتدى اكثر ألفة من هيك منتدى..ولا كلامي مو صح...؟؟شو رايك Mizo>..?حتى Lover و www.sy.net وBreans_1 وأنا متأكد ما في ولا واحد بالمنتدى له أي غاية او قصد غير شريف بالترحيب بك...خذي كلامي ثقة...بالعكس عم يغمرونا بحبهم وعطفهم وهاد شيء عظيم....بعدين ديري بالك من Bint Jableh ترى تخصص عقوبات والله يعين اللي بيتأخر عن المنتدى ....ما بنصحك تشوفيها زعلانة...بالنهاية أنت أخت عزيزة وغالية وأغنيتي المنتدى بحضورك ولك اطيب التحيات ولكافة الأصدقاء المشاركين
والله ياجماعه وبدون مبالغه : الحياة صار إلها طعم اَخر بها المنتدى.
الصدق .المحبة .المعلومات المفيده .البراءة . العفوية. شوبدي أو صف .حاجه هيك .أحسن ماحدا يقول حاجتك مبالغة.
تحياتي للجميع .