طالت الغربة يا...شام...واشتئنالك كتير كتير...اشتئنا لكل حارة وزاوية وشارع...اشتئنا لصوت بياع الحليب عند الصبحية....ولصحن فول صباحية يوم الجمعة....اشتئنا للحارات الأديمة...لسوء الحميدية وساروجة وباب سريجة...اشتئنا لحاراتك الأديمة اللي كنا نحتمي فيها من الشوبات...اشتئنا لمقهى النوفرة وللشيشة ولزبدية بوظة من بكداش...ولريحة التوابل بسوء البزورية........
هاي الأيام أعتقد أحلى أيام السنة بالشام...متل هيك أيام كنا المسا نروح على الربوة على مقهى أبو شفيق نشرب الأركيلة ونلعب برتية طرنيب أو دء طاولة ونتفرج على الشارع سيارات رايحة وسيارات جاية...وصوت المية حوالينا وصباح فخري يغني يا مال الشام يلا يا مالي...فعلا" كنا عايشين بالجنة وما معنا خبر...ويوم الجمعة كنا نروح على بلودان والزبداني...متل اللي بيطلع من الحمام وبيدخل البراد....خاصة الجلسات ما تحلى غير بمورا وبوادي أبو زاد وكانت الرجعة عند المسا مخيفة من كتر السيارات اللي على الطريق بتحس كأن أهل الشام كلهم كانوا ببلودان وراجعين مع بعض......يا الله ما أحلى هديك الأيام خاصة أن الكل بخط الرجعة حاسب حساب يمر على نبع بقين والي بدو يروح على مضايا يشتري شوية حاجيات من سوق التهريب....
واللي الله رضيان عليه بكون من سكان خارج الشام يعني شو في أحلى من حمص وطرطوس واللاذقية بهيك فصل من السنة.......لأن النزلة على الوادي هالأيام ما بتتثمن خاصة عند المسا وكأن الدنيا كلها مهرجان وفرح وعيد واحتفالات ومقاهي الرصيف بمرمريتا والمشتاية والكفرون ومشتى الحلو والحواش......كرنفال متواصل على مدار الصيف..والأحلى من هيك الجو بالساحل بطرطوس وبانياس واللاذقية وجبلة...ويا عيني على جبلة بالذات خاصة سبعة المسا على الكورنيش بتشوف كل الشباب والصبايا والأهل صغار كبار عم يتمشوا واللي جالس بمقهى الزوزو يشرب اركيلة أو عند مرعب بيلعبوا شي برتية طرنيب والطرنيب دايما" ديناري...وما في أحلى من كورنيش جبلة غير اللمة الحلو على شي مصطبة قدام المنزل ببيت ياشوط أركيلة وقريع متة....ولا تعمل شي بس تفرج على الطبيعة وشم أحلى وأنقى هوا بالدنيا خاصة يوم الخميس المسا بتشوف الشباب والصبايا راجعين من المدينة اللي عم يدرس جامعة واللي عم يخدم عسكرية واللي موظف بصير في حركة نشطة بالشارع وهيك لبعد ساعتين تلاتة بكونوا ارتاحوا وبدلوا تيابهم وفورا" برجعوا على الشارع ليشوفوا بعض وكل كم واحد يجتمعوا تحت شي شجرة وراسمالها الشغلة عود وصوت حلو وجلسة رائعة....أما في اللاذقية هالأيام مشغولين بمهرجان المحبة والسلام اللي جاي على الطريق........شفتي يا شام ليش عم قول اشتئنا لأن كل لحظة حلوة عشناها ببلادنا كنوز الدنيا ما بتعوضها ولا بتغنينا عنها....إيه شفة مي من مياة الشام ومن أي سبيل بشوارع الشام ما بتعوض بكنوز العالم كلو....لأن هناك بالشام كنا نحس أننا بشر....أما بالغربة لا يتعدى إحساسنا بأنفسنا أكثر من كوننا مسبقي الصنع أو معلبين أو ماكينات بتحط فيها فلوس بتشتغل...مبرمجين من البيت للعمل للبيت...وبصراحة يا شام ما حسينا بالفرء غير لما وصلنا لهون.......بس فات الوقت على التراجع...ما في غير نتغزل فيكي يا شام ونتذكر أيامك الحلوة وعطفك وحنانك علينا......يا لطيف أديش كنا ظالمينك ومقصرين بحقك يا شام....!!!يا لطيف أديش متحمليتنا كل هالعمر وساكتة....لا و عم ترعينا وتسامحينا بس نرجعلك وتفتحي صدرك بكل رحابة لرجعتنا وانتي عارفة إننا رح نعيد نفس الغلطة ونتركك مرة تانية....يا الله يا شام أديش قلبك كبير....وحضنك دافي وحبك جارف...ما بتصور ممكن نقدر نعمل شي نكافيكي على عطفك وحنانك وحبك النا......شو بدنا نعمل يا شام والله لو نقدر نركع العمر كلو تحت رجليكي بنظل مقصرين....بس مهما بعدنا وتغربنا ما رح نطول غربتنا أصلا" ما فينا نتأخر ونبعد كتير لأنك رابطيتنا بحبالك ومرجوعنا لعندك وما أحلى هيك رجعة.......أأأأأأأأأأأأأأخ شو بدنا نحكيلك تانحكيلك يا شام...بعد ما كنا نروح الربوة والنوفرة والبزورية والمرجة والحريقة والصالحية والشيخ محي الدين والجزماتية وباب الجابيةوالقصاع وباب توما ومساكن برزة والمهاجرين وركن الدين.....صرنا نروح الستي سنتر والسوبرماركت والجمعيات.......وعم نشتري أغراض البيت كأننا عم نشتري بلاستك خاصة الأكل بدون أي طعمة أو نكهة يعني الخيار والبندورة ما بنقدر نميزهم عن بعض غير باللون والشكل...والله يا شام من يوم وصلت لهون ما عدت اذكر شو ريحة الخضار والفواكه.....والطبيعة ذبحتنا يا شام...صحيح أن الحدائق والأشجار والمساحات الخضرا كتيرة هون بس المصيبة أنها منظر مش أكتر يعني بتمشي تحت الشجر وبتجلسي فوق العشب وما بتحسي بأي نكهة أو رائحة الخضار كأنها بلاستك.......شو جاب لجاب....اللي ماشي بالغوطة عمرو ما رح يلاقي لها بديل أو مثيل...........وشو بدي أشكيلك يا شاااااااااااااااام....يا ست الحبايب والحناين.......سامحينا وادعيلنا بالرجعة لحضنك......ويا ريت يا شام تتمسكي بباقي شبابنا وشباب بلدنا يبقوا هناك جنبك يخدموك ويراعوك ولا تخليهم يغلطوا غلطنا يا شام....ويتباهوا فيك.......لأنهم موضع حسد الكثيرين على وجودهم في ظلك....على الأقل موضع حسدنا نحن أبناءك المغتربين............

الله............سوريا.................بشار وبس

روووء أبو حميد
ولك روح الله يرجعك بالسلامة .........أمين يا رب
يا سيدي الدنيا كلها بعدها متل ما عية عليه
بكداش هادا هوي
والحارات القديمة ما تغير فيها شي
والنوفرة متل ما تركتها ...........ونارة يا ابو بلالD:
كورنيش جبلة كتل ما تركتو بعدها العالم عم تنزل علة هالكورنبش وتشم الهوا
ناس عم بتأركل وناس عم تشرب ميلو وناس شاي وناس عم بتقرقع متة
وهادا اللي عمي ييلعب طاولة زهر هو وصاحبو
وهادا اللي طالع صريخو ليش نزّلت خمسة الدينار والتاني عم يدافع عن حالو
وهادا عم ينكش صاحبو اللي قاعد معو عم بيأشرلو على هديك البنت
يعني هادا هو الحال.....متل ما تركت البلد هادي هية


يعني حاج بقا....والله شوقتني اني ما أطلع من بلدي ولو
والله صرت عم حس من حكياتك أنو بلدنا جنّة شوي تانية:)
يعني صرت حاسس حالي والله أني مقصّر....يعني ما بعرف شو بدّق قلّك

يعني شوي تانية رح غيّر راي بالسفر..........
الله يرجع بالسلامة أخوي محمّد

الله يسامحك

كيف استطعت ان تكمل ما كتبت

والله ثم والله ثم والله لقد ابكيتني وتوقفت اكثر من

مرة وانا اقرأ

فهل كتبت بمداد قلمك ام بدم قلبك ام ماذا

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآ ه


يا شام


وشوف الاخ ميزو

لم يرها اكثر من موضوع جيد لأنه يعيش هناك

ولن يشعر بشعورنا ابدااااااااااااااااااااااااااااا

الا اذا تجرع مرارتها وانشالله ما يغلط هالغلطة