من زمان عم دوّر على أفضل برنامج لتقسيم الملفات, واليوم لقيته..

أحيان كتيرة بينطلب مني ومن غيري برامج نادرة..وهالبرامج ما بتكون موجودة على الإنترنت نسخة كاملة.. لكنها موجودة على سيديات

المشكلة أنه حجم هالبرامج ممكن يكون أكتر من 1.20 ميغابايت وبالتالي لا يمكن رفعها للإنترنت لأحد المواقع المجانية لأنه أفضل المواقع المجانية ما بيسمح بأكثر من الحجم المذكور.. وبالنتيجة ما بنقدر نوصل هالبرامج للي بيحتاجها.

الحل بهالحالة أنه نقوم بتقسيم البرنامج اللي حجمه 5 ميغابايت مثلا لخمس أقسام حجم كل منها واحد ميغابايت.. ونضغطها بأي برنامج ضغط (winzip مثلا) ونرفعها للإنترنت.. واللي محتاج البرنامج بيحمل هالأقسام كلها وبيجمعها بنفس البرنامج بكل سهولة وبسرعة خيالية..

وحتى ما يكون هالموضوع عبء عليكم لقيت اليوم برنامج صغير جدا بحجم 172 كيلوبايت فقط وسهل الإستخدام فوق ما تتصورا..

هي وصلة تحميل البرنامج اللي اسمه hjsplitpro
http://www.freewebs.com/ayman999ua/hjsplitpro.zip

إضغط باليمين وإختر حفظ الهدف بإسم

النسخة كاملة ولا تحتاج لتسجيل..

وهي شرح البرنامج..

بعد تحميل البرنامج فك الضغط رح يطلعلك مجلد فيه هالملفين الواضحين بالصورة التالية:



الملف التنفيذي طبعا هو اللي بصورة شعلة.. البرنامج لا يحتاج إلى تنفيذ على الجهاز.. فقط إضغط على أيقونة الشعلة لتبدأ العمل..

بالضغط على الأيقونة دبل كليك رح يطلعلنا هالنافذة
http://ayman999ua.jeeran.com/downloads/HJSplitPRO1.jpg
الملف التنفيذي طبعا هو اللي بصورة شعلة.. البرنامج لا يحتاج إلى تنفيذ على الجهاز.. فقط إضغط على أيقونة الشعلة لتبدأ العمل..

بالضغط على الأيقونة دبل كليك رح يطلعلنا هالنافذة:

http://ayman999ua.jeeran.com/downloads/HJSplitPRO2.jpg
بنضغط على الزر split ورح تطلعلنا النافذة التالية
http://ayman999ua.jeeran.com/downloads/HJSplitPRO3.jpg
عند السهم رقم واحد بنختار الملف اللي بدنا نقسمه

- عند السهم رقم إثنين رح يظهر تلقائيا حجم الملف اللي اخترناه.

- عند السهم رقم ثلاثة بنختار المكان اللي رح تنحفظ فيه أجزاء الملف بعد تقسيمها.

- عند السهم رقم أربعة بنحدد أقصى حجم لكل جزء ..وليكن دائما 1000 كيلوبايت

- بنضغط على زر start وخلال ثواني قليلة جدا بيتم تقسيم الملف.

إذا رحنا على المجلد اللي اخترنا حفظ الملفات فيه رح نلاقي الملفات موجودة متل هالصورة:

http://ayman999ua.jeeran.com/downloads/HJSplitPRO4.jpg
عند السهم الأعلى هادا الملف الرئيسي واسمه بينتهي بالرقم (001)

وعند السهم الأسفل بنلاقي حجم كل ملف صار 0.97 ميغابايت أي ما يعادل 1000 كيلوبايت.

انتهينا من التقسيم.. والمطلوب الآن استعمال أي برنامج ضغط لضغط كل ملف.. وبعد ضغط كل الملفات بنرفعهم للإنترنت.

الآن دور الشخص اللي بدو يحمل هالملفات على جهازه ليحصل على البرنامج المطلوب..

بعد تحميل الملفات اللي ممكن يكون عددها 2 أو 3 أو حتى عشرة أو أكثر بنفك ضغط كل الملفات وبنحطهم بمجلد واحد..

بعدين بنروح على برنامجنا:

http://ayman999ua.jeeran.com/downloads/HJSplitPRO5.jpg
متل مو شايفين بالصورة السابقة بنضغط على الزر Join ورح يطلعلنا هالنافذة

http://ayman999ua.jeeran.com/downloads/HJSplitPRO6.jpg
- عند السهم الأعلى بدنا نروح على المجلد اللي حفظنا فيه كل الملفات بعد ما فكينا الضغط..

- رح تطلعلنا نافذه فيها فقط الملف اللي بينتهي بالرقم (001).. ما في أي خطأ.. هادا هو المطلوب.. بنحدد الملف وبنضغط Open

- عند السهم الثاني بنختار المكان اللي رح نحفظ فيه الملف النهائي بعد تجميعه..وليكن نفس المجلد اللي فيه الأجزاء..مثل هالصورة:

http://ayman999ua.jeeran.com/downloads/HJSplitPRO7.jpg
عند السهم الأعلى بالصورة السابقة بنشوف عدد الملفات اللي وجدها البرنامج..وهي أربعة بالمثال اللي أنا عم طبق عليه..

هلا بنضغط على زر Start وبأقل من ثواني رح يكون الملف تم تجميعه.. شوفوا هالصورة:


http://ayman999ua.jeeran.com/downloads/HJSplitPRO8.jpg
الملف المشار إليه بالسهم الأعلى هو الملف المطلوب.. وعند السهم الأسفل بيظهر حجم الملف بعد التجميع..

ما بقي غير ننفذ الملف اللي جمعناه لنحصل على طلبنا..

إنتهى..