السوريون محاصرون

أصدقائي الأعزاء....

ما بعرف ليش دايما" المغترب بصير حساس زيادة شوي من كتير أمور لما بشوفها خارج وطنو وبصير يقارنها بالوطن ...؟؟ ما دفعني لهذا السؤال هو ظاهرة ملفتة للانتباه وكلنا نعرفها وهي أن جميع المواطنين العرب يسمح لهم بدخول سوريا والإقامة بها دون تأشيرة دخول او أذن زيارة أو ما شابه ذلك......وكل مواطن عربي يعامل بسوريا كالسوريين وله نفس الحقوق مع العلم انه لا تترتب عليه نفس الواجبات المترتبة على السوريين...وهذا قانون نفتخر به أينما ذهبنا وأيما افتخار وذلك بسبب تربيتنا القومية وتغليبها على المصالح القطرية الضيقة...ولكن بالمقابل لو سألنا أنفسنا نحنا السوريين وين مسموح لنا الذهاب بدون تأشيرة دخول من الدول العربية...؟؟لوجدنا الجواب فقط 3 دول وهي لبنان والسودان واليمن....أما ما تبقى من الدول العربية فهم يفضلون الفلبيني والآسيوي علينا...؟؟؟ليش..؟؟ ليش إذا واحدنا فكر يروح سياحة على مصر لازم يروح على السفارة المصرية للحصول على تأشيرة والمصري لما بدو يروح سوريا بيحمل غراضوا على كتفوا وعارف حالو ما حدا رح يسألوا لعند مين جاي..؟؟واذا فكرنا نروح على أي دولة من دول المغرب العربي كأننا رايحين على سويسرا...فيزا وتأشيرة وحجز فندق وتذكرة طيارة ذهاب إياب وكتاب من جهة العمل وما بعرف شو....؟؟؟..ليش..؟؟حتى الأردن لما ندخلها بدفعونا رسوم دخول وخروج...مع العلم إنهم ما بدفعوا شي عندنا...لا حتى كل أبناء الدول العربية بيدرسوا بالجامعات السورية ببلاش كالسوريين ويسكنوا بالمدن الجامعية حتى ما عندهم معسكرات جامعية.....وكمان مشمولين بالرعاية الصحية المجانية بمشافي الدولة واحنا إذا واحد بموت ما مستعدين يعطوه حبة أسبرو بدون مقابل..؟؟؟..ليش..؟؟والعربي إذا بدخل سوريا ما بدو لا كفيل ولا كرت زيارة ولا إقامة ولا يراجع الشرطة ويستعمل كافة التسهيلات المتوفرة لأبناء البلد بدون ما يدفع ضريبة لدولتنا متل ما عم ندفع نحنا المواطنين..؟ طيب مش عم يدرسوا ويتعالجوا على حسابنا..؟؟؟لأن نحنا عم ندفع ضرائب ورواتب للموظفين مقابل هالخدمات..؟؟طيب شو عم يقدمولنا الدول العربية..؟؟؟وليش بعاملوا الأمريكي والأوروبي معاملة الملائكة والأنبياء ونحنا بعاملونا معاملة قطاع الطرق والنصابين والمحتالين..؟؟ ليش كل الوثائق الرسمية الأجنبية معترف بها بالدول العربية إلا وثائق السوريين..؟؟على أبسط شي إجازة السواقة الأوروبية والأمريكية معترف بها بدول الخليج والدول العربية والأجازة السورية رجس من عمل الشيطان فاجتنبوه..؟؟؟ليش..؟؟
والله نحنا مش ضد معاملة العرب المميزة بسوريا والتسهيلات المقدمة لهم واعتبار سوريا بلدهم وأرضهم...لا والله هذا شيء نفتخر به أمام أشقائنا العرب ويشكرونا على ذلك...بس على الأقل ليش ما في معاملة بالمثل..؟؟ ليش ما نجرب معهم نفس أسلوبهم بس مشان يحترمونا شوي..؟؟وياخذونا بعين الاعتبار..ليك الأردن ليست أكثر من كيان مصطنع يقف متل الغصة بحلقنا على الروحة والجية ببهدلونا واحنا نستقبلهم بالأحضان لما بيجوا لعندنا...لأيمتى بدهم يظلوا مستوطين حيطنا..؟؟ أرجو أن لايقول لي أحدكم أننا بحاجة لهم أكثر من حاجتهم إلينا...ساعتها بدي قول (بئس الدولة التي تحتاج الأردن أكثر من حاجة الأردن إليها) إذا كنا محتاجين لهم بأمر فهم محتاجين لنا بأمور حتى دول الخليج نستطيع أن نحصل منهم على تنازلات بهذا الخصوص يعني مش قليلة الكميونات وبرادات الخضار والفواكه التي تمر من سوريا قادمة من لبنان وتركيا إلى الخليج...خلوها أخذ وعطا يا جماعة..ليش الشاطر اللي بدو يجير المنافع العامة لمصلحة شخصية ضيقة..؟؟ ولعلمكم أن ليس لهم طريق آخر غير سوريا لاستيراد المحاصيل الزراعية من لبنان وتركيا التي تعتمد عليها دول الخليج لأنها الأقل تكلفة حتى لو فكروا يفتحوا طريق العراق فتكاليفه باهضة والمسافات كبيرة وأيضا" عن طريق البحر ستكون المسافة أكبر وما بتصل البضاعة غير فاسدة وعن طريق الجو تكاليفها خيالية لذلك ليس أمامهم سوى طريق سوريا...وسبق قبل هذه المرة أن استعملنا هذا المفتاح لفترة بسيطة جدا" لا تتجاوز 24 ساعة...قامت القيامة...وطارت الأسعار وكثرت القلاقل بالأسواق وكان أكبر المتضررين الأردن بسبب حرمانه من عائدات مرور الشاحنات بأراضيه وحاليا" مجرد التلويح بهذا الموضوع صدقوني بتتغير كل حياة المغتربين السوريين بالخليج وأنا هون ما عم أحرض على ضرر الآخرين لا أبدا" هذا حق مشرع لنا أن ننال حقنا او بعض منه على الأقل....والمشكلة أن بلدنا مرتبط باتفاقات دولية بهذا الخصوص وللأسف لما وقعنا هيك اتفاقات ما أخذنا بعين الاعتبار كافة مصالحنا وحقوقنا.......ومع ذلك هذا لا يمنع من أن لنا حق يجب أن نطالب به.. وكل هذه الاتفاقات والقوانين وضعية من صنع البشر مش منزلة من عند رب العالمين وكل شيء قابل للتغيير بتغير الظروف وتطور عجلة الحياة....
أخيرا": يبقى كل كلامنا فشة خلق إذا ماكان في حدا عم يسمعنا ويفكر شوي بأوجاعنا ويدور معنا على دوا يشفي هالناس المعترة بالحياة........

الله..............سوريا..........بشار وبس

طول بالك يا اخ محمد

على فكرة الاردنيين يدفعون خروجية ايضا

يدرسون لحسابهم ويدفعون الكثير و
يراجعون الشرطة
بعدين خلينا نكون احسن من الجميع

حبيبي

ابو طمشة

ابصم بالعشرة على كل حرف كتبته